اما تيجى تختار شريك حياتك

اما تيجى تختاري شريك حياتك متبصيش تحت رجليكى فكري ترضي البني ادم ده يكون أب لعيالك ولا لا؟
عيالك هيكونو فخورين بيه ولا هيوصلو مرحله انهم لما يسمعو قصص عن الأبوة الجميلة يقولو "احنا ليه مش زيهم؟"

ولادك مش هيلوموكى اما تختاري ابوهم مش وسيم ولا قصير او شعره خشن ولا معندهوش عربيه بس هيلوموكى يوم متختاريه عصبى ولسانه زفر وقلبه قاسى عليهم وبخيل مشاعر وفلوس

في فيلم احلى الاوقات عمرو واكد قال جمله حلو جداً
"اصل اهم من الاختيار يا سلمي انك تقدري تشوفي سعادتك ف اللي اختارتيه"

لازم تعرفى ان الراجل يعيبه اي حاجه الا جيبه ، يعيبه قله زوقه ،قساوه قلبه ،عينه لو زايغه ،لسانه لو سليط ،لو مش سند وسايب كل حاجه على اللى معاه ، لو مبيقدرش اللى بتعمليه علشانه الراجل عُمر ما يعيبه جيبه

خليكى متاكدة ان انبهار اول العلاقة هيزول وان اي علاقه في اولها بتبقا مليانه بالسعاده والحب والفراشات الي بترفرف فوق راسك اول ما بتشوفيه هتهدى وتروح
لكن فيه أسباب جديدة للحب هتتخلق في كل لحظة وكل مرحلة

هيتخلق حب أهدى وأعقل وأدوم
هتحبيه من جديد مع كل لحظة تشوفيه بيجري ع ابنه يحضنه زي الطفل ومع فرحته لما يشتريله اول كوتشي بعد ما اتعلم المشي ومع حماسه الي ميقلّش عن حماسك مع اول كلمة ينطقها مع جريه عالكاميرا عشان يلحق يصور أول ضحكة بصوت

من فتره شوفت واحده كاتبه بوست عباره عن سطر بس لخصّ اي حاجه ممكن تتقال :
"أنا عاوزة بس لما أتجوّز عيالي مايبقوش فرحانين علشان أبوهُم نزل."

فاتجوزي اللي ميقرفش منك ومن بهدلتك بالذات في مرحله الولادة ومن كل تفاصيلها اللي بتكون صعبه

واوعى تهملى تفاصيل صفة (الأبوّة) وقت الاختيار مع انها من أهم الصفات الي هتحتاجيها بعد كدة!

وانت كمان يوم ما تنوى تتجوز مش بالضروره تتجوز واحده مخرجتش من بيتها بالعكس بقا أتجوز البنت اللي خرجت من بيتها ولفت وشافت وفضلت علي مبدأها واحترامها لأهلها ولنفسها

فيه Quote بتقول =
"لا تُسمي الفتاة شريفة وهي حَبيسة الدار ، اعطها حريتها و ان امتنعت عن الحرام نالت الشرف "

ويوم ما تختار متختارش الميكب وال Heels وال high waist متتخدعش فالمظاهر الكدابه اختار البنت علي طبيعتها عشان فى بيتك مش هتبقا كل يوم علي سنجه عشره هتلاقيها ايام مريضه وعندها هالات سودا تحت عنيها اختار ملامحها من غير ميكب اختارها بطريقه اكلها التلقائيه اختار الحقيقه اللى هتشوفها كل يوم .. لان فيه فرق بين انك بتحب وانك مُعجب .

نهايته عشان كلنا تعبنا من الاختيارات الغلط ياريت ندعي الدعوه دي :
(اللهم اختر لي ولا تخيّرني فإني لا أحسن الاختيار ) �.