الخمار♥️

اول حاجه لازم تعرفيها فائدة الخمار ؟؟
ربنا سبحانه وتعالى قال :
{ وَلْيَضْرِبْنَ بِخُمُرِهِنَّ عَلَىٰ جُيُوبِهِـنَّ } .
يبقى الخمار هو الأقرب للحجاب الشرعي الصحيح 🤭
الخمار أمان عن الطرحة القصيرة يعنى لا يمكن تخافي ان حبة هوا يطيروا الطرحة ورقبتك تبان او قفاكي مثلا
الخمار بيداري منطقة الصدر والظهر يعنى ماشية فى ستر و أمان إن جسمك مش متحدد ، محدش شايف حجم أى حاجة فى جسمك ومفيش أى لبس متحدد من ظهرك مش خايفة من بصات الناس ولا عملالهم حساب يعنى ثقة بالنفس
الخمار بيزود البنت نور وجمال رباني أى حد بيشوفها بيرتاحلها من رضا ربنا عليها ودى حقيقة بالذات لو واحدة ملتزمة بيه قلبـًا وفعلاً وبيظهر عليها أخلاق القرآن وأولهم الْخِمَــارْ كل الناس بتلاحظ عليها وبيحبوها من غير مناسبة

الْخِمَـــارْ بيجبر البنت متحطش ميكاب خالص وبكدا نفذنا أمر ربنا { وَلَا يُبْدِيـنَ زِينَتَهُنَّ } والميكاب أكيد من الزينة
الْخِمَـــارْ بيجبر البنت ان الدريس يكون واسع أو العباية ولو لابسة جيبة هتكون واسعة برضو وبتمحى من حياتها فكرة البناطيل واللبس الضيق وبكدا نفذنا أمر ربنا بردو { يُدْنِيـنَ عَلَيْهِنَّ مِن جَلَابِيبِهِـنَّ }
واهو بنحاول نقرب من الآية قدر المستطاع وانتي لابسة الْخِمَـــارْ الناس بتعملك حساب بيحترموكي ومحدش يقدر يتطاول عليكي بنظرة أو كلمة عشان انتي محترمة فلا يمكن يتعدوا حدودهم معاكي هو بمثابة الحصن

الْخِمَـــارْ هيخليكي تنتظمى فى الصلاة لو مش منتظمة وتتفوقى فى القرآن ويقربك من ربنا أكثر وأكثر وهيجنبك معاصى كتير غيرك بتعملها ومش بتلحق نفسها لكن اللى لابسة الْخِمَـــارْ لو أخطأت بتلحق نفسها علطول وتتوب وتستغفر لما تفتكر إنها لابسة خِمَـــارْ ولازم تحترمه وإنه خطوة كبيرة وعظيمة أقبلت عليها عشان ترضى ربنا فَــ ازاى بقى هتعصيه بسهولة كدا

واللي اهم بقى من كل ده إنْ الْخِمَـــارْ فرض ومينفعش كل شويه تلبسيه وتخلعيه عشان عندك مناسبه وتلبسي بنطلون

في سورة النور اللي باين من اسمها أنها بتخرجنا من الظلمات إلى النور أول آيه فيها
{ سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ }

كل القرآن فرض ، بس زي مثلاً أما يكون عندك مدرس عربي ويقولك كل الدروس جايه في الامتحان بس ركزولي اووووي على الدرس ده ، ولله المثل الأعلى 🥰
ننزل تحت شويه ف الآيات هتلاقي ربنا بيقول { وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ } الآية ( ٣١ )🤍
الخلاصه مينفعش تكوني مختمره وتلبسي بنطلون جنز