حاسب نفسك قبل ما تتحاسب

الو ازيك يا ريم عندي ليكِ خبر بـ مليون جنيه!
= ها اشجيني يا هانم
_ فاكرة رامي اللي كُنتِ بتكراشي عليه؟
= ايوة طبعا هو القمر دا يتنسي؟
_ طيب ياستي انتِ عارفة اني بكلم اسلام صاحبه وكدا النهاردة قالي إن رامي مُعجب بيكِ بس مش عارف يقولك ازاي!
= بتهزري صح!
_ لا والله ابدا بتكلم جد جدا ودا فعلا اللي حصل
= مش مصدقه أنا هطير من الفرحة ،، طب انتِ قولتيله أيه؟
بس ايه يا هبلة دي فُرصتك وإياكِ تضيعيها من إيدك..
= طب انتِ شايفة ايه؟
_ انا شايفة طبعا انك توافقي وترتبطي بيه.. بُصي انا خارجة النهارده انا واسلام ،، هقول لأسلام يجيب رامي معاه وانتِ هتيجي معانا.
= ياستي بس انا اول مرة ارتبط ،، اروح أقابله علي طول كدا؟
_ اومال انتِ فاكرة الارتباط دا ايه! بيبقي مُقابلات وخروجات وسهر للصبح وكلام في التليفون للصبح دا كأنه عايش معاكِ!
= يعني اي بنت بترتبط بتعمل دا
_ اكيد
= طب دا مش حرام؟
_ يابنتي احنا مالنا بحلال وحرام دلوقتي اهم حاجة تكوني مبسوطة ،، وبعدين هاتيلي آية في القرآن بتقول إن الإرتباط حرام..
= ....
_ شوفتي سكتي ازاي؟

جهزت فعلا ولبست احسن طقم عندي وحطيت ميك اب وكنت اول مرة البس ضيق بالشكل دا والميك أب كان فاقع اوي..

لاقيت موبايلي بيرن
_ الو انتِ فين يا ريم يلا!
= خلاص انا جاهزة ونازلة اهو
_ طيب يلا احنا مستنينك.
= تمام خلاص مسافة السكة.

نزلت و وقفت عربية وركبت ،، بس كنت خايفة ،، يمكن مش خايفة لا مرعوبة.. حاسة ان الكل بيبصلي..
ركزت في الطريق وسرحت .. مفوقتش غير علي الآية دي.

وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ م
وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ (19) وَنُفِخَ فِي الصُّورِ ذَلِكَ يَوْمُ الْوَعِيدِ (20) وَجَاءَتْ كُلُّ نَفْسٍ مَعَهَا سَائِقٌ وَشَهِيدٌ (21) لَقَدْ كُنْتَ فِي غَفْلَةٍ مِنْ هَذَا فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ (22) وَقَالَ قَرِينُهُ هَذَا مَا لَدَيَّ عَتِيدٌ (23) أَلْقِيَا فِي جَهَنَّمَ كُلَّ كَفَّارٍ عَنِيدٍ (24) مَنَّاعٍ لِلْخَيْرِ مُعْتَدٍ مُرِيبٍ (25) الَّذِي جَعَلَ مَعَ اللَّهِ إِلَهًا آخَرَ فَأَلْقِيَاهُ فِي الْعَذَابِ الشَّدِيدِ (26) قَالَ قَرِينُهُ رَبَّنَا مَا أَطْغَيْتُهُ وَلَكِنْ كَانَ فِي ضَلَالٍ بَعِيدٍ (27) قَالَ لَا تَخْتَصِمُوا لَدَيَّ وَقَدْ قَدَّمْتُ إِلَيْكُمْ بِالْوَعِيدِ (28) مَا يُبَدَّلُ الْقَوْلُ لَ
الشيخ كان بيعيط بقلبه قبل عينه ،، صوته فوقني.. الآيات مُرعبة! حسيت إنها إشارة.
الآية دي فضلت تتردد في دماغي لغاية ما نزلت من العربية وبذات دي
يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِنْ مَزِيدٍ (30)

نزلت من العربية وانا عمالة اعيط ومش عايزة اروح خالص ،، بصيت لنفسي ولهدومي استحقرت نفسي مش قادرة امشي خطوة في الطريق اللي كُنت رايحاله ولا بالهدوم اللي لابساه ،، فضلت ماشية في طريق معرفهوش وانا بردد يارب سامحني انا
آسفة مش هغضبك تاني ،، سماحني يارب لغاية ما قابلت بنوتة لكا شافتني في الحالة دي وقفتني وقالتلي مالك مكنتش قادرة اتكلم كنت بعيط بس ..
طلبت منها تاخدني علي جامع حسيت اني عايزة اروح لربنا واتأسفله واتوب عايزة اتوب عن كل حاجة عايزة اغسل نفسي من اللي كنت فيه ..
البنت كتر الف خيرها ودتني جامع وجبتلي لبس غير اللي كنت لابساه وشيلت الميكب ولبست العباية الي جبتهالي ودخلت اتوضي..
يمكن دموعي كانت اكتر من المايه بتاعة الوضوء..
روحت اصلي ،، اول ما وقفت بين ايدين ربنا حسيت بقشعرة في جسمي كله مكنتش عارفة اصلي من كتير عياطي ،، وانا بركع فضلت ادعي واقول يارب خلاص توبت والله مش هعمل حاجة تغضبك تاني ،، انت كنت في غفلة فعلا ،، تقبلني يارب..

ريم فضلت كتير ساجدة ،، يمكن اكتر كن ربع ساعة ..البنت راحت تشوفها لاقتها ماتت!

ماتت
ماتت!
ريم ماتت وهي كانت راحة تعمل ذنب ..بس تابت قبل ما تموت بـ ثواني..
ريم قضت حياتها بتعمل ذنوب وكانت غافلة تماما وجت آية فوقتها ،، عملت آيه ريم عشان تموت علي حسن خاتمة..
معملتش حاجة غير انها سمعت لقلبها وانتبهت لإشارة ربنا ليها.. كانت حاسة بالغلط بس مكنتش متأكدة..بس لما عرفت انه حرام ،، بعدت علي طول ،،
من ترك شي عوضه الله خيرا منه..
ريم سابت الذنب عشان ربنا ،، ربنا عوضها بحسن خاتمة يعني نعيم أبدي..
كانت ممكن تكمل مشوارها ولا كأنها سمعت حاجة وبدل ما تموت علي حسن خاتمة ،، كانت تموت علي سوء خاتمة وهي بتعمل ذنب .

ربنا بيبعتلنا إشارات كتير عشان ناخد بالنا ان في حساب وفي عقاب ،، بس احنا الدنيا لهيانا.. احنا في غفلة ،، خد بالك قبل فوات الاوان ..
تُب الآن
الميكب
اللبس الضيقه
الصحبه الفاسده
مش هينفعوكِ احنا كل يوم بنسمع زي حالات وفاه شباب بالكم محدش🤎

حاسب نفسك قبل ما تتحاسب

اتغيري يجميله والله هنموت هيجي اي الميكب واللبس الضيق جنب اول ساعه في القبر هتيجي اي الاغنيه جنب نار جهنم مستعده يعني تدخلي النار