طالب هندسة فى امتحان شفوى????????

10/2/2022, 4:33 pm

مره طالب هندسة دخل امتحان شفوى فالدكتور بيسأله :
بتركب ايه وانت جاى الكليه الصبح ؟
الطالب : بركب الاتوبيس .

الدكتور قال له : حلو اوى .. لو الدنيا حر فى الاتوبيس هتعمل ايه ؟
الطالب : هفتح الشباك .

الدكتور : جميل .. احسب لى بقا كمية الهواء اللى داخل الاتوبيس وهو ماشى على سرعه 60km/h طبعاً الواد معرفش والدكتور سقطه فى الماده ..

فهو خارج قابل واحد صاحبه كان عليه الدور في الدخول فقال له على السؤال ودخل للدكتور بعده .

الدكتور للطالب التانى : بتيجى الكليه بأيه الصبح ؟
الطالب : بعربيتى .

الدكتور : طب لو عطلانه ؟
الطالب : بكلم صاحبى ييجى ياخدنى بعربيته .

الدكتور : طب لو مش موجود ؟
الطالب : بخلى بابا يوصلنى .

الدكتور : طب لو وراه شغل ؟
الطالب : بركب تاكسى وخلاص .

الدكتور : طب لو ملقيتش تاكسيات ؟
الطالب : بركب الاتوبيس وامرى لله .. هو يسترها بقى من عنده

الدكتور : حلو اووووى .. لو الدنيا حر فى الاتوبيس هتعمل ايه ؟
الطالب : هقلع الجاكيت .

الدكتور : طب لو حر اووووى ؟
الطالب : هفتح زراير القميص .

الدكتور : طب لو حر جداً جداً .
الطالب : هقلع القميص .

الدكتور استغرب وقال له : طب لو نار جهنم حواليك هتعمل ايه ؟؟
الطالب : هقلع البنطلون .

الدكتور : قاله طب لو مش قادر تستحمل وخلاص هيغم عليك وقدامك شباك ؟
الطالب : بص بقى انا ممكن اقلع ملط بس مش هفتح شباك الاتوبيس